'Kapuko' aldizkaria sortu dute EHUko ikasleek

EHUko Gizarte eta Komunikazio Zientzien Fakultateko 1. mailako ikasleek sortu dute Kapuko aldizkaria. Egitasmoak papereko agerkaria baino gehiago biltzen du, transmedia proiektutzat jo baitute eragileek. Hala, aldizkariaz gain, aktualitateko gaiak Interneten zintzilikatuko dituzte eta Kapuko Telebista ere abian jarri dute. Dagoeneko abian da www.kapukoaldizkaria.tk webgunea. "Gazteek gazteentzat" abiatutako egitasmoa da (argia.com-etik ateratako informazioa).

Bitxia: lehenengo zenbakiaren portadan Mikel Reparaz ageri da, duela zenbait urte NUko aulkietan apuntean hartzen ibilitakoa. Eta galdera hementxe dator: Nafarroako Unibertsitatean noiz edo noiz horrelakorik sortuko al da? Bai?, ez? zergatik?, nork erantzungo lidake?

Mortuago, mutuago

aingeru epaltza - 2011-III-22

Diario de Noticias

"Zer balio du poesiak gizakiek gizakien kontra eragindako tragedien aurrean bezala, naturak eragindakoen aurrean?". Adornori oihartzun eginez halako galdera egiten zion berrikitan Anjel Lertxundik bere buruari. Poesiaren Eguna izan zen atzo. Poesia, gizonak zein naturak eragindako hondamendiez egunkarien orrialdeak beterik agertzen ziren egunean. Poesiaz aritzea poesiaren zertarakoaz aritzea da gaur egun. Haren alferrikakotasunaren gorazarrea izaten da maiz haren baliagarritasunaren defentsarik eraginkorrena. Bizi seinalea izan daiteke, ordea. Mutuak ez garela adierazteko tresna. Urtebete joan da Joxemiel Bidador idazle eta ikerlari iruinsemea itzali zitzaigunetik. Heldu den ortziralean eginen da hark bizi bitartean idatzitako poemen bildumaren jendaurreko aurkezpena. Haren olerki bana irakurriko dugu zenbait jendek. Joxemiel omenduko dugu gisa honetara eta, bidenabar, bagarela aldarrikatuko. Oraindik bagarela. 40 urte betetzeko hilabete guti batzuk falta zituela utzi gintuen Bidadorrek. Idazle gaztetzat jo-tzen genuen, hala ere. Halakoa izaki, Nafarroako neurgarrietan. Hura baino gazteagorik, lau-bortz izen etortzen zaizkit gogora. Pare bat, 30 urtetik beheiti. Normala, noski. Poesiak ez du deusetarako balio. Nobelak ere ez. Zer erranik ez ipuinak, an-tzerkiak edo entseguak. Kontsolamendua liteke gure gazteak bertzelako adierazpideetan buru-belarri ikustea. Zineman, blogetan, bideo sorkuntzan, kazetaritzan, hedabide berrietan. Ez da hala. Euskarazko sormenari dagokionez, musika eta bertsolaritza alde batera utzita, gero eta eremu mortuago -gero eta eremu mutuago- dugu Nafarroa. Deusetan belaunaldi berririk baldin bada, ez da inon ageri. Eta ez dago nor/zer horretan kezkaturik. Horregatik ere izan zen hain mingarria Bidadorren galera. Horretarako ere izanen gara heldu den or-tziralean, Planetarioan.

Eneko Dorronsoro, "Ttaup, ttaup" dokumentalaren zuzendaria

Zumaia, 1978. Zine eta gidoigintza ikasketak Barcelonan burutu zituen. Geroztik telebista eta zinea ditu ogibide.

Zuzendutako lanen artean, "Olarro" laburmetraia (2007) eta "Karidadeko Benta. Lehengo munduaren azkena" ordubeteko erreportaje musikala (2008).

Euskal Telebistako "Brinkola" eta "Pilotari" telesailetan eta "Eutsi!" nahiz "La máquina de pintar nubes" pelikuletan zuzendaritza taldean hartu du parte, besteak beste.

"TTAUP, TTAUP! Arraun kolpeka" du bere lehenengo dokumentala.

“Hizkera eta kazetaritza estiloak komunikabidera moldatu behar dira”

EiTBko euskara arloko arduraduna Nafarroako Unibertsitatean HIKEAri buruz hitz egin zuen, hizkuntzaren ezaguera antolatzeko aplikazioa

  Iraia Hermosilla

           Iruñea, martxoak 11. Asier Larrinagak, EITBko euskara arloko arduradunak, hizkera eta kazetaritza estiloak komunikabideetara moldatzeko garrantzia nabarmendu zuen. “Zein testu idazten ari garen eta zein komunikabidetarako jakin behar da”, esan zuen Euskarazko Kazetaritzaren X. Jardunaldien azken hitzaldian.

            Honez gain, EITB-ko medio guztietarako, estiloen batasunean EiTBek nola lan egiten duten azaldu zuen. Honen inguruan, Asier Larrinagak HIKEA aplikazioaren eta telebistako eskuliburuaren bidez, sistema honek dituen abantailak azpimarratu zituen. “Internetek itzulpenak egiteko, gai baten inguruko hitzak aurkitzeko, toponimoetako edo egutegiko egun berezietako kontsulta egiteko sarrera onartzen die bai EITBko langileei bai gizarteari”, nabarmendu zuen.

            Azkenik, bakoitzak bere hizkuntzan dituen oinarriak aztertu zituen: “Gure jatorriko hizkuntza, hizkuntza-erabiltzaile eredugarriak edo kazetari batek esperientziari esker hartu dituen hizkuntza-ohiturak”, komentatu zituen.

            Euskarazko Kazetaritzaren X. Jardunldietan, Euskal Hizkuntza eta Kultura Katedrak, bertako Kultura Ekitaldien sailaren eta Iruñeko Udalaren laguntzaz, aurten Arantxa Arza eta Ander Izagirrek ere parte hartu dute.

Non galdu ote dut euskara?

Gaurko klaserako hizkuntza estilo eta sustraien inguruan egin behar izan dugu gogoeta pertsonala. Neure burua zigortzekotan pentsatzen ibili naiz, euskara alde batera uzten hari bait naiz nahi gabe, agian konturatu nahi ezean. Ez dut gogoratzen euskaraz irakurri dudan azkeneko libururik eta pentsatu dut seguraski zuek jakingo dituzuela literatur libru edo nobelen izenburu batzuk.

Beraz benetan eskertuko nizueke liburu bat edo beste aholkatzen baldin badidazue, baita musika talde edota web-horri interesgarriren baten berri jakinarazten badidazue.

Euskarak eztitu ninduen azkeneko aldia abesti bat entzun nuenean izan zen, hemen utziko dizuet altxor ttiki bat zuek ere gozatu eta onura atera dezazuen:

http://www.myspace.com/gorkazabaleta/music

Besterik gabe, on izan!

Ander Izagirrek teknologia berrien balioa nabarmendu du bidai erreportajeak hedatzeko

Idazle eta kazetariak  Nafarroako Unibertsitateko Euskarazko Kazetaritzaren X. Jardunaldietan parte hartu zuen

 

By Iraia Hermosilla

Iruñea, martxoak 4. Ander Izagirrek, idazle eta kazetariak, Nafarroako Unibertsitateko Euskarazko Kazetaritzaren X. jardunaldietan parte hartu zuen.  Bertan, blog-a, Twitter edo Facebook bezalako teknologia berrien balioa nabarmendu zuen bere erreportajeak zabaltzeko. Teknologia berri hauekin, Izagirreren lan batzuk “medio tradizionalekin erdietsi ez duten oihartzuna” lortu dute.

            Honez gain, kazetariak bere kazetaritza “autonomo” bezala definitu zuen askatasuna ematen diolako bai gaietan baita denboran ere. Askotan “dirua galtzen” duela onartu zuen bidaiak ezin dituelako ordaindu irabazten duen diruarekin, baina bere lana izugarri gustatzen zaio. “Egunkariak nire erreportajeetatik dirutza ordaintzea gustatuko litzaidake, baina ez da posible. Hori dela eta, beste ekintza paralelo batzuk –hitzaldiak, adibidez– egiten ditut”.

            Ander Izagirre Euskarazko Kazetaritzaren X. Jardunaldietan parte hartzen duen bigarren kazetaria izan zen. Jardunaldi hauek datorren ostegunean, martxoaren 10ean, itxiko dira Asier Larrinagarekin, EiTBko euskara arloko arduradunarekin. Larrinagak Kazetarientzako baliabideak eta HIKEA aplikazioaren inguruan hitz egingo du.