Total Pageviews

Thursday, May 26, 2011

15 años tiene mi 'Ze Berri?'

By Reyes Ilintxeta, kazetaria, Euskalerria irratiko esataria, "Ze Berri-ko" erredaktore eta arduraduna, antzerkilaria eta Nafarroako Unibertsitateko ikasle ohia.


A principios de junio se cumplirán 15 años desde que vio la luz el primer número de la revista Ze Berri? En la portada aparecía el retrato de una niña de cuatro añitos, alumna de la Ikastola Hegoalde. Desde entonces se han publicado 88 números de esta revista sencilla, pero muy interesante por muchos motivos. El primero de ellos, sin duda, es su objetivo: intentar llevar información sobre el euskera a toda la población, especialmente a esa parte de la ciudadanía que no tiene contacto directo con esta lengua y que desconoce tanto su pasado como su presente. Es cierto que castellanohablantes y bilingües vivimos juntos, e incluso revueltos, pero es evidente también que existe en torno al euskera y la cultura vasca, ya no sólo falta de conocimiento y, por tanto de interés, sino también un buen número de prejuicios y algunos tabúes. El resultado es que hay cientos de cuestiones, cotidianas y básicas para los euskaldunes, relacionadas con su contexto cultural, con la literatura, la música y la historia, por ejemplo, que prácticamente ni existen para la mayor parte de la población.
Esta humilde revista, que cada dos meses se cuela en los buzones junto a los folletos de supermercados y pizzerías, lleva a cabo una enorme labor de información y sensibilización. Seguramente algunos de los casi 70.000 ejemplares que componen su tirada irán directamente del buzón a la papelera, pero no cabe duda de que es un instrumento válido y atractivo para ir deshaciendo, poco a poco, paso a paso, esas murallas invisibles e intangibles que hay entre nosotros.
Zorionak, Ze Berri? Zorionak a las 34 entidades locales, entre las que se encuentran ayuntamientos, incluido el de Pamplona, juntas de valles y mancomunidades, que son los promotores e impulsores de este trabajo en común. Y zorionak a todos y todas los técnicos y profesionales implicados directamente en la elaboración de la revista.

Tuesday, May 17, 2011

Euskarazko hedabideekin mahai bat osatuko dute EAEko instituzioek, baina ez dute bermatu eskatutako %25eko diru laguntzen igoera

Eusko Jaurlaritza eta Arabako, Bizkaiko eta Gipuzkoako foru aldundiak prest agertu dira euskarazko hedabide ez-publikoen sektorearekiko harremanetan sakontzeko eta euskarazko komunikabideek duten egoera aztertzeko. Diru laguntzetan urratsak egiteko konpromisorik ez dute hartu.
Mikel Lizarralde   2011-05-17 - 16:42:46

Euskarazko hedabideetako ordezkariek bilerak egin dituzte azken asteetan Eusko Jaurlaritzarekin, Nafarroako Gobernuarekin, eta Araba, Bizkai eta Gipuzkoako diputazioekin, euren egoeraren berri eman eta etorkizuna bermatu ahal izateko bidea irekitzeko. Sektorearen berri eman diete instituzioei, eta hainbat eskaera ere egin dizkiete.
Diru laguntza publikoetan 2012rako %25eko igoera eskatu dute hedabideek krisiaren ondorioei hobeto aurre egin ahal izateko. Horretaz gain, publizitate instituzionalaren %25 euskarazko hedabideetara bideratu dadila eskatu diete, baita sektorearen eta instituzioen arteko mahai bat osatzeko ere: "Gure egoera estuaz jarduteko".
EAEko instituzioak prest agertu dira sektorearekiko harremanetan sakontzeko, eta instituzioen eta sektorearen arteko mahaia osatuko da hedabideen egoera aztertzeko. Hori albiste "pozgarritzat" jo dute hedabideen ordezkariek, gune horretatik "elkarlanean krisi egoerari hobeto erantzungo zaiolako".
Nolanahi ere, kezka ere agertu dute hedabideek, 2012ko diru laguntzen igoera aipatzean, instituzioek krisia aipatuta eragozpenak jarri dizkietelako. Krisi garaian laguntza publikoak gora egin behar duela aldarrikatu dute euskarazko hedabideek.
Sektorearen egoeraz kezkatuta, otsailean Euskal Herri osoko 80 euskarazko hedabide baino gehiagok agerraldia egin zuten instituzioei konpromiso handiagoa eskatzeko. Orain, berriz, euskarazko komunikazioaren beharra ekarriko dute gogora kanpaina baten bitartez. Publizitate kanpaina datozen egun eta asteetan ikusiko da prentsa, irrati, telebista eta Interneten.


AGIRIA
 Euskarazko hedabideak, beste jauzi baterako ordua.
Agerraldia 2011-02-15. Donostia
Egunon, eta eskerrik asko agerraldi honetara etorri zareten guztioi.
Gaur, hemen, euskarazko hedabide ez publikoetako ordezkaritza oso zabala elkartu
gara, elkarrekin partekatu dugun gogoetaren berri eman, eta batera egin asmo dugun
bidearen berri emateko gizartearen aurrean. Hemen, mahaian, hedabide horietako
ordezkari batzuk gaude (ikusi duzuen bezala, askoz ere gehiago gara), eta nik guztien
izenean hitz egingo dizuet.
Gure burua aurkeztu eta nor garen azalduz hasiko gara. Eta hori egiteko, zer hobe
datu batzuk ematea baino:
- 100dik gora gara euskaraz ari garen hedabideak, prentsa, irratia, telebista eta
Internet kontuan hartuta.
 620tik gora gara hedabide horietan lanean ari garen langileak.
 Guztien artean, urtean 27.000.000 eurotik gorako aurrekontua mugitzen
dugu.
 7.000.000 euro inguru sortu eta ordaintzen ditugu zuzenean gizarte
segurantza eta zerga bidez (BEZ eta PFEZ).
 7.500.000 euro jasotzen ditugu diru-laguntzen bidez.
 2007ko abenduan CIESek propio egindako azterketa batek zioen euskarazko
hedabideak 450.000 lagunengana iristen direla, hau da, euskaldunen %57
dela euskarazko hedabideen jarraitzaile.
Datu hauek guztiek erakusten da dute sektore bizi eta kontuan hartzeko bat osatzen
dugula, zalantzarik gabe, gizarte honetan era askotako irabaziak sortzen dituena.
Adibidez:
 Informazio mailan, gizartearen informazio eskubidea asetzeko bidea ematen
duen sektorea delako.
 Euskararen normalizazioan, aho batez onartzen den bezala, hizkuntza
normalizaziorako eragile nagusietakoak direlako hedabideak.
 Arlo ekonomikoan, lanpostuak sortzen dituelako, eta kontuan hartzeko
moduko ekarpena egiten duelako sektoreak gizarte segurantza eta zerga
bidez.
Diruz lagundutako sektorea da, hala behar duelako, merkatu parametro hutsetan
bizirauterik ez duelako eta funtzio publiko ezinbestekoa betetzen duelako. Baina
azpimarratu nahi dugu, sektore honek jasotzen dituen laguntza publikoetatik zati handi
bat berreskuratzen duela gizarteak baita parametro ekonomikoetan ere.
Ez dugu ezer berririk esango hedabideok krisi garaiak bizi ditugula esaten badizuegu.
Komunikazio munduan gertatzen ari den aldaketak eta krisi ekonomikoak gogor
astindu dituela euskarazko hedabideak, lehendik ere diruz baliabidez larri zebiltzan
hedabideak. Erronka berriei aurre egiteko sostengu erantsi bat behar izan
dugunean, laguntzak murriztuta ikusi ditugu, krisiaren aitzakian. Horren
ondorioz, gure borondatearen kontra biziraupena gure egunerokoaren
erdigunean kokatu da. Ez baita gure bokazioa bizirautea, ezta egun kaleratzen
ditugun hedabideokin konforme geratzea. Gure bokazioa garatzea da, euskal hiztunen
komunitateak bere burua euskaraz islatua ikusteko beharrari, nahiari erantzutea,
eskaintza etengabe egokituz eta aberastuz, azken 30 urtean erakutsi dugun bezala.
Euskara eta euskal kultura geroratzeko giltzarri ezinbestekoa da komunikazio proiektu
anitzen bidez osatzen den sektorea osasuntsu eta garapenbidean inbertitzea.
Instituzioek aspaldi aitortua diote sektore honi euskara eta euskal kultura sustatzeko
zereginean duen estrategikotasuna eta garrantzi hau behin eta berriro berretsi da
administrazio eta foro anitzetan. Aitortzak baina ez dira nahikoak, tamainako apustu
eta sostengu ekonomikoa behar du sektore honek. Egungo laguntzek kasurik onenean
prekarietatean bizirauteko aukera eskaintzen digute garatzeko aukerari hegoak
moztuz. Era berean hainbat hedabideren ateak ixten ikusi ditugu azken aldian.
Aurreko guztiak kontuan hartuta, indarrak batu eta sektore gisa garatzeko premia
biziko bi gai identifikatu ditugu sakontzeko: diru-laguntzak eta publizitatea.
 Laguntzetan baliabide handiagoak behar dira, sektorea indartzeko, egoera
berrira egokitzeko behar dituen inbertsioak egiteko eta zabalkunde handiagoa
lortzeko.
 Aldi berean, egungo laguntza deialdiaren dinamikatik bide egonkorragoetarako
urratsa egin beharra dago, urteroko zalantza egoera gainditu eta laguntzaren
zenbatekoa urte hasieran ezagutzeko. Egonkortasuna kopurutan eta
azkartasuna prozedura eta ebazpenetan.
 Publizitatearen gaian, berriz, agerikoa da instituzioek eta erakunde nagusienek
ez dutela euskarazko hedabideen indarra kontuan hartzen. Esan dugu duela
hiru urteko datuek erakusten zutela euskaldunen erdiak baino gehiagok
kontsumitzen dituztela euskarazko hedabideak, baina publizitate inbertsioa ez
da maila berean egiten. Publizitate instituzionala egiterako orduan beste politika
bat behar da eta horretan eragin nahi dugu.
Egoerari eta zailtasunei aurre egiteko, euskarazko hedabideok hainbat ekimen
elkarrekin egitea erabaki dugu. Horren ondorioa dira otsailaren 1ean argitaratutako
editorial bateratua eta agerraldi hau bera. Hemendik aurrera ere elkarrekin aritzeko
erabakia dugu, eta gure egoeraren berri ematen jarraituko dugu gure medioen bitartez
eta horretarako sortutako webgunean, http://www.blogak.com/ehedabideak.
Horrez gain, hurrengo asteetan instituzio nagusienetako eta alderdi politikoetako
ordezkariekin elkartzeko plana egiten ari gara. Bilera hauetan sektorearen berri
zuzenean eman eta politika aldaketarako proposamenak lantzea da helburua.
Sektoreak prestasun osoa du eragile guztiekin gaia landu eta akordio eta politika
zehatzak adosteko, eta horretarako dagoen prestasuna ikusi nahi dugu. Jakin
badakigu udal eta foru hauteskundeen atarian gaudela, eta uste dugu garai egokia
dela alderdiek etorkizunera begirako gogoeta egin eta konpromiso zehatzak har
ditzaten hurrengo lau urteetarako politika markatzeko.

Euskarazko hedabideen agerraldia Donostian

2011-05-17 16:17:33 Ander Monedero
Euskal Herriko 80 hedabide ez publikok erakundeei eskatu diete 2012rako diru-laguntza publikoak %25 handitzea. Eurekiko harremanean sakontzeko konpromisoa hartu dute erakunde publikoek, baina, eskari zehatz horri emandako erantzunak kezka sortu du hedabideen artean.
Azken asteetan euskarazko hedabideek bilerak egin dituzte Eusko Jaurlaritzarekin, Nafarroako Gobernuarekin eta Araba, Bizkaia eta Gipuzkoako diputazioekin euren egoeraren berri eman eta etorkizuna bermatu ahal izateko.
Euskarazko hedabide ez publikoek hiru eskaera egin dizkiete erakundeei: diru-laguntza publikoetan 2012rako %25eko igoera, publizitate instituzionalaren %25 euskarazko hedabideetara bideratzea eta sektorearen eta instituzioen arteko mahai bat sortzea.
Euskarazko komunikabideek nabarmendu dute Erakunde publikoek eurekiko harremanean sakontzeko konpromisoa hartu dutela eta baita sektorearen eta erakundeen arteko mahaia sortzekoa ere. Baina 2012rako diru-laguntzak handitzeko eskariaren inguruko erantzuna kezkaz hartu dute.
Hurrengo hilabeteetan 2012ko aurrekontuak lantzen hasiko dira erakundeak, eta sektoreak espero du euren eskakizunak kontuan hartuko dituztela.
Bestalde, euskarazko hedabideek bizi duten egoera ezagutarazteko eta euskararen normalizazio prozesuan beharrezkoak direla gogorarazteko publizitate kanpaina egingo dute. Publizitate kanpaina datozen egunetan ikusi ahal izango da prentsan, irratian, telebistan eta Interneten.

Euskarazko komunikabide ez publikoek kolokan dakusate euren etorkizuna

(EITBn agertu da notizia, baina lehendik ere bagenekien. Egoera ez da zuziriak botatzeko modukoa. Denon artean konponbideak bilatu behar ditugu. Ideiarik?)

Medios de comunicación no públicos en euskera ven peligrar su futuro

Valoran positivamente la voluntad de las instituciones para colaborar en el diseño futuro del sector, pero, debido a la crisis, no han logrado un compromiso para incrementar esas ayudas a corto plazo.

Euskalbar, zer da?




 (Euskaraz idazten duzu eta ez daukazu tresna hau zure sistema eragilean instalatuta? Denbora alferrik galtzen ari zara. Hainbat hiztegi, zuzentzaile eta kontsultategi esku-eskura helarazten dizkizu aplikazio honek. Asier Larrinagak bere hitzaldian eman zigun honen berri. Ez galdu aukera: sartu bere web-orrian (izenburuan klikatuz) eta instalatu lehen bailehen)
Euskalbar Firefox-erako tresnabarra da, euskera-gaztelera itzulpenak egiten lagunduko diguna, Interneten dauden hiztegi eta tresna ofizialak kontsultatuz (Euskalterm, Elhuyar, Hiztegia3000, Euskaltzaindia, ItzuL posta zerrendaren artxiboa, Harluxet, Mokoroa, ZT Corpusa, Opentrad itzultzaile automatikoa eta XUXENweb zuzentzaile ortografikoa)

Monday, May 16, 2011

'Teknopolis', Asebio/Genoma España saria


Euskal Telebistako "Teknopolis" saioak, Bioteknologiaren Komunikazio eta Dibulgazio Asebio/Genoma España lehen saria jaso du.

Tuesday, May 10, 2011

Kulturaren lapikoa, hamar urte baino gehiago egosten



Kulturaren lapikoa 98.3 irratiko irratsaioa da. 2000 urtean hasi zen martxan. Artean "Radio Universidad de Navarra" deitzen zen hemendik emititzen zen irratia, Aloña Velasco kazetaria zuzendariorde zelarik. Hasiera batean ordu erdiko saioa izaten zen eta astero-astero egiten zen. Edurne Aristi, Izaskun Samaniego, Amaia de Esteban eta Marta San Sebastian -artean Fcom-eko ikasleak- izan ziren hasierako urteetan irratsaioa posible egiten lagundu zutenak.
Gorabehera asko izan ostean, oraindik orain bizirik dirau eta euskal kulturari buruz gure inguruan egosten dena (lapikoan egosi betiere) entzulearengana gerturatzea du helburutzat. Bost minutuko mikroespazioa da gaur egun eta Fcom-eko ikasleek egiten dute.
Sarrera honen titularrean klikatuz gero, podcast batzuen orri batean sartuko zara. Aukeratu "Kulturaren lapikoa" izenburua dutenak eta entzungo dituzu gure ikasleek egindako harribitxiak.

Monday, May 9, 2011

Euskarazko Kazetaritzaren IX. Jardunaldiak


Ikasturte honetan Euskarazko Kazetaritzaren IX. Jardunaldiak eta Euskarazko Kazetaritzaren X. Jardunaldiak izan ditugu. Lehenengo ikasturtea da seihileko bakoitzean bana egiten dena. Blog honetan orain arte ez dira aipatuak izan eta, beraz, azkenaurreko jardunaldiez (IX.ez) arituko gara sarrera honetan.


IX. jardunaldiak lehenengo seihilekoan ospatu ziren, 2010eko azaroan, “Gazte Esperientzia” leloarekin eta lau parte hartzaile izan ziren gurekin: Zuriñe Vélez de Mendizabal, Euskonews Gaztea aldizkari elektronikoko zuzendaria; Oihana Jauregi, Teknopolis ETBko saiko aurkezlea (Helbide honetan, irratsaio bat dago hitzaldiari buruzko irratsaio bat, bigarren erdian: http://www.unav.es/98.3/doc/10/12/101221kulturarenlapikoa.mp3); Joxerra Senar, Berria egunkariko kazetaria; eta Mikel García, Argia aldizkariko kazetaria (azken hirurak Nafarroako Unibertsitateko ikasle ohiak).


Parte hartzaile guztiak gazteak izan ziren baina dagoeneko eskarmentu handikoak hainbat komunikabidetan. Gaur egungo euskarazko kazetaritza oro har nahiko gaztea dela konfirmatzera etorri ziren; izan ere, euskaraz egindako kazetaritzak nahiko historia laburra dauka inguruko hizkuntzetan egindakoaren aldean eta hori abantaila da horretan sartu nahi duten profesional gazteentzat, aukera anitz izanen baitituzte erantzukizunak eta ardurak hartzeko.

Mikel Garcia, Argia aldizkariko erredaktorea, euskara hutseko aldizkaria; eta Joxerra Senar, Berria egunkariko kazetaria, protagonistak izan ziren Euskarazko Kazetaritzaren IX. Jardunaldietako azken saioan. Nafarroako Unibertsitatean egin ziren jardunaldiok eta “Gazte-esperientzia” izan zuten lelotzat.

Joxerra Senar Berriako erredaktoreak bere esperientziak gerturatu zizkien entzuleei, Ekonomia eta Politika arloetan izandakoak, eta kazetariaren izaera ekimentsu eta ausarta azpimarratu zuen. Bestalde, Mikel Garciak bere ibilbide labur eta trinkoan garatutako zenbait proiekturen berri eman zuen. Biak, Nafarroako Unibertsitateko ikasle ohiak, erredakzioaren arteaz solastu ziren, berrien interpretazioa eta adierazpen linguistikoak zaindu behar dituen artea berau.

Aurreko saio batean, Zuriñe Vélez de Mendizabal kazetariak Euskonews Gaztea aldizkari digitaleko bere jarduera azaldu zuen. Bigarren hezkuntza eta Batxilergoko ikasleek hartzen dute parte aldizkarian eta Zuriñe aritzen da hori guztia koodinatzen eta produkzio lanak egiten. Oihana Jauregi kazetaria eta Nafarroako Unibertsitateko ikasle ohia, albistegietan pilatutako esperientziaz mintzatu zen. “Teknopolis” saioan izandako eskarmentua ere mintzagai izan zuen. Zientzia eta teknologiaren dibulgazioa euskaraz egiten duen telebista saioa dugu hau, duela 13 urte emititzen hasi zena. 2009an “European Media Awards” saria irabazi zuen, Europenan Science Foundation-ek emana.


Euskarazko Kazetaritzaren IX. Jardunaldiak Nafarroako Unibertsitateko Euskal Hizkuntza eta Kultura Katedrak antolatu ditu eta posible izan dira Eusko Ikaskuntzaren laguntzari esker eta Iruñeko Udaleko finantziazioari esker. Abarrots Euskara Taldeak ere kolaboratu du.



Thursday, May 5, 2011

‘Soka Dantza’, Iñaki San Martinen argazki esposizioa Nafarroako Unibertsitatean

(Argazkilaritza komunikabide bat da? Irudiekin soilik komunikatu egiten dena argi baino argiago dago, baina euskal edo euskarazko komunikabidetzat hartzen ahal dugu? Badira, gainera, hainbat argazkilari hedabideez baliatzen direnak beren mundu-ikuspegia guri helarazteko. Badira, baita, beste hainbeste argazkilari ohiko hedabideekin lan egin beharrean, beren kasa aritzen direnak eta horiek ere komunikazioaren orbitan aritzen direlakoan gaude.
Euskal kulturaren arlo bat lantzen du Iñaki San Martinen bilduma honek eta euskara ere ez du urruti bere espresabidean. Agian gurera erakartzen hasteko modu bat irudia bera izan daiteke, aldamenean gure hizkuntza presente duela. Agian norbaiti erakargarria egin dakioke modu hain berezian hitz egin eta dantza egiten duen herria. Hala bedi)


- 2 urteetan zehar egindako 28 irudiko bildumak maiatzaren 23rarte iraungo du Eraikin Zentralean
Iraia Hermosilla
Iruñea, maiatzak 6. Iñaki San Martinek, argazkilari gipuzkoarrak, ‘Soka Dantza’ aurkezten du Nafarroako Unibertsitatean, Calellako Festimage VI. Jaialdian egon ondoren. Kolore, pintzel edota oihal bezalako material ezberdinen eta zentzu zabalago batean beste elementu kulturalen arteko loturan oinarritutako lana da. 28 irudiko erakusketa Eraikin Zentraleko atarian egongo da maiatzaren 23rarte.
Iñaki San Martinen argazkiak traizioei eusten dieten gizon eta emakumeei omenaldia egiten die. “Folklorea Euskal Herrian oso aberatsa da eta atzean gure erroak kontserbatzen dituen jende ugari dago”, azaldu du argazkilariak.
Horrez gain, erakusketa hau egiteko “obra bateko edukia eta forma zehazteko, laburtzeko eta definitzeko abilezia elkartzen duen prestaketa kulturala” garrantzitsua dela nabarmendu du argazkilariak.
Iñaki San Martin orain dela 30 urte baino gehiago lanean hasi zen. Bere ikasketak Donostiako Komunikazio eta Zine eskolan hasi zituen eta Florentzian zinematografia ikasi zuen (1982). 1989tik aurrera, Soarte Fotografía sortu zuenean, euskal kulturarekin lotura duten erakusketak egin ditu.
‘Soka Dantza’ erakusketa Nafarroako Unibertsitateko Kultura Ekitaldi sailak antolatu du, Iruñeko Udalaren, Euskal Jaurlaritzako Kultura departamentuaren eta Euskarabidearen laguntzaz.