Kazetari idazleak

'Sautrela' saioa koadernoari eta boligrafoari begira jarriko da; kazetariz beteko da matxinsaltoen lurraldea. Joxean Agirre eta Goizalde Landabaso kazetariekin osatu dugu aste honetako erreportajea.

(eitb.com-etik hartua)

Badakit, baina ez dakit nola esan

Apirila 6, 2011

by euskalerriairratia

Fermin Erbiti


 (Fermin Erbiti kazetaria da eta Nafarroako Unibertsitatean ikasi zuen, gurean euskararen tantarik ez zegoen garaian).

Hogeita bost gaztetxo gela batean. Irakasleak horietako bati zerbait galdetu, eta hark beste askok bezala erantzun dio: “Bai, badakit, baina ez dakit nola esan”.
Adela Cortina katedradunak lehenengo egunean oso artikulu interesgarria argitaratu zuen gai honetaz El País egunkarian “Esaten jakitea” izenburupean. Erantzun hori -”Bai, badakit, baina ez dakit nola esan”- ikasi ez duen idazlearen aitzakia izaten dela zioen. Eta hobe hala bada, lezioa ikasi ez izana txarra izanik, kezkagarriagoa delako bestea: ikasitakoa azaltzen ez jakitea.

Hitz egiten eta idazten jakitea oinarrizko ahalmenak dira, funtsezkoak bizitzan, guztion etorkizuna baldintzatu egiten dutelako. Horrekin ados bagaude, begi bistakoa da ikasgaiak ahalegin askoz handiagoa eskatzen duela etxean, eskolan, eta bakoitzak bere kabuz egin beharreko prestakuntzan. Izan ere, ikasgai hori ez da bakar baten esku utzi beharreko ardura, eta ezta egun batetik bestera beregana daitekeen ahalmena ere.
Gure gaztetxoek hizkuntza asko ikasi behar dituzte, horrekin tematurik bizi gara. Ados, baina, gutxienez, horietako batean lau esaldi jarraian esan eta idazteko gai izan daitezela… eta gehiegi eskatzea ez bada, hizkuntza horietako bat plazer-iturri bihur dezatela, nekez aurkituko baitute afizio erabilgarri eta aberasgarriagorik.

Eusko Ikaskuntzaren aurkezpena Nafarroako Unibertsitatean

Daniel Apaolazak, Eusko Ikaskuntzako zuzendari berriak, eta Amaia Nausiak, "Datorkigunea" arloko arduradunak azaldu zituzten erakunde akademiko honen nondik norakoak.

Aurreneko aldia da Daniel Apaolaza ingeriariak Nafarroako Unibertstitateko Iruñeko campusean dagoena berak kudeatzen duen erakundea aurkezten. Zenbait ikasle eta ikerlari bildu ziren haren eta Amaia Nausiaren azalpenak entzutera.
Eusko Ikaskuntzaren ikuspegi historikoarekin hasi zen aurkezpena eta, besteak beste, Euskaltzaindia bezalako erakundeak EIren baitatik sortu zirela gogorarazi zigun egungo zuzendari kudeatzaileak.
Gaur egungo jarduerak eta helburuak ere azaldu zituen Apaolazak eta azpimarratu egin zituen ekimen horietan parte hartzearen balioak eta onurak; esaterako, ANECA bezalako agentzia batengandik akreditazioak lortze aldera.
Amaia Nausiak, berriz, gazteentzako eraturiko ekimen arrakastatsu baten berri eman zuen. Datorkigunea deitzen da eta ikasturte bakoitzean gazte talde baten lanean oinarritzen da. Ikasturte bakoitzean bi gai nagusi lantzen dira eta parte hartzaileen perfilak askotarikoak izaten dira: eskatzen zaien bakarra esku hartzearen erabakia da. Euskara da euren arteko lan tresna.
Talde honen lanen emaitzak eta ondorioak liburu batean argitaratzen dira. Amaia Nausia Nafarroako Unibertsitateko ikasle ohia da. Bertan burutu zuen bere lizentziatura eta bertan egin zuen bere doktorego tesia. Egun Eusko Ikaskuntzan egiten du lan.
Azkenik, Ainara Arregik, EIko Iruñeko idazkariak eurekin harremanetan jartzeko xehetasunak eman zizkigun, bai eta bazkide izateko argibideak ere.
Horrelako ekimenetan parte hartzeko gonbitearekin eta ohiko familia argazkiekin amaitu zen ekitaldia.

Hitzaldi informatiboak EITBko beken inguruan

Hitzaldi informatiboak antolatu ditu EITB Taldeak EHU eta Nafarroa zein Deustuko Unibertsitateetako Komunikazio eta Zientzia Sozialen ikasleentzat.

EITB Taldeak beka kopuru zabala eskaintzen du urtero hainbat unibertsitate eta Lanbide Heziketako zentroen artean. Hala, hitzaldi informatiboak antolatu ditu EHU eta Nafarroa zein Deustuko Unibertsitateetako Komunikazio eta Zientzia Sozialen ikasleentzat.

Hitzaldira joan nahi duten EHUko ikasleek euren datuak bidali behar dizkiote Patxi Doblasi (patxi.doblas@ehu.es). Apirilaren 13an izango da hitzaldia, 10:30ean, EITBren Bilboko egoitzako Multibox gelan. Bertan, Hautaketa taldea zein Radio Euskadi, Euskadi Irratia, ETB Erredakzioa eta eitb.com aurkeztuko dira. ostean, 12:30ean, bisita gidatu bat egingo da egoitzatik. Bestalde, maiatzaren 3an, 11:00etan, Radio Vitoriari buruzko hitzaldia egingo da irratiaren Gasteizeko egoitzan.

Apirilaren 14an antolatuko da Deustu eta Nafarroako Unibertsitateentzako hitzaldia, 10:30ean, aipatutako Multibox gelan. Era berean, Hautaketa taldea zein Radio Euskadi, Euskadi Irratia, ETB Erredakzioa eta eitb.com aurkeztuko dira, eta ostean, 12:30ean, bisita gidatu bat egingo da egoitzatik.

Sareko Euskal Gramatika: arauen amaraunean harrapatua

Euskal gramatika osoa, bai, bere arau, gomendio eta hiztegi guztiekin. Hortxe, sarean, klik baten menpera kontsultagai, edozeinen esku.
Euskal Herriko Unibertsitatearekin batera Euskaltzaindiak labetik atera berria. Hona hemen kontsultagai dauden atalak:

• AURKEZPENA
• GRAMATIKA:
• HIZTEGIA
• MORFOSINTAXIA
• EUSKARA ETA GIZAKIA
• EUSKARA ETA GIZARTEA
• HIZKUNTZALARITZA APLIKATUA
• FONETIKA ETA FONOLOGIA
• EUSKARAREN HISTORIA
• ZALANTZEN TXOKOA
• BIBLIOGRAFIA
• EGILEAK

Euskaraz aritu nahi duen kazetari, komunikatzaile edo euskaltzaleak badu non kontsultatua.

Eneko Dorronsoro zuzendariak "Ttaup, ttaup! arraun kolpeka" dokumentala aurkeztu du NUan

By Iraia Hermosilla

Eneko Dorronsoro presenta el documental “Ttaup, ttaup! arraun kolpeka, el latir del remo”

El director y productor ha explicado cómo grabó su documental en una de las últimas sesiones del seminario de euskera en los medios de comunicación

2011ko martxoak 31

Eneko Dorronsoro decidió grabar el documental “Ttaup, ttaup! arraun kolpeka, el latir del remo” en euskera en 2007 porque él es de un pueblo de remeros y tenía el gusanillo de conocer ese mundo. Cogió una cámara y se puso manos a la obra con un objetivo: contar un año del club de remo de Zumaia y todo lo que conlleva. Grabó su día a día desde el 20 de enero hasta el 10 de octubre. Las exigentes pruebas físicas, la competencia, los descartes, las preocupaciones o la ilusión se pueden vislumbrar en este documental. “Solo les pedí unas entrevistas y que cuando pasaran al lado de la estatua de Aita Mari la miraran”, ha explicado el director durante la presentación.
Además, Dorronsoro ha recalcado la exigencia que tiene este deporte comparándolo con otros como el fútbol, ya que todo el grupo tiene que estar unido porque todos van a una, a hacer lo mismo. “A diferencia del trabajo documental, donde cada uno hace papeles diferentes para llegar al mismo fin”, ha apostillado.
El director ha explicado cómo grabó el documental. Le bastó una sola cámara, además de escribir cada día lo que había rodado “en una especie de diario” para que luego le fuera más fácil el montaje. Un montaje en el que le ayudaron varias personas y en el que después de pensárselo, decidió meter voz en off. “Quería aportar por el tema, por lo que uno siente desde fuera y quería marcar esa distancia”. Sin embargo, también se aprecia una evolución, se pasa de la distancia a la cercanía. “Al final, te sientes como uno más”, ha sentenciado Dorronsoro.
Aunque se grabó en 2007, no se estrenó hasta 2010. “Quería dar una mirada atrás. Mirar al pasado, como ellos, pues solo ven lo que van dejando y es el patrón quien les guía”, apunta el director y productor. Una mirada hacia el pasado que se presentó en el Festival de Cine de San Sebastián y que ahora lo presentará en otro de California. “Aunque el remo sea un deporte muy unido al Cantábrico, en otras zonas también se practica”, ha concluido Eneko Dorronsoro.

Diario de Navarran agerturiko berria
Ostegunean, Abarrots Euskara Taldearen eskutik, Ttaup, ttaup! Arraun kolkpeka dokumentala egon zein ikusgai Nafarroako Unibertsitatean. Donostiako Zinemaldian estrinatutako filme honek, 2007. urteko Zumaiako Aita Mari arraun elkartearen eguneroko lana erakusten du dokumental honek, neguko entrenamenduetatik hasi eta irailean, Kontxako Banderarekin amaitu arte. Zuzendaria, Eneko Dorronsoro, bertan egon zen ikusleak berarekin solas zitezen. Ibon Garate aktore eta aurkezlea dokumentalaren ekoizlea izan da. Dorronsoro, kamara eskuetan hartu eta Arraun Elkartean mugitu zen, urte osoan euren itzala bilakatuz. 100 ordutik gora filmatu ondoren 67 minutuko dokumentala gorpuztu zuen.

'Kapuko' aldizkaria sortu dute EHUko ikasleek

EHUko Gizarte eta Komunikazio Zientzien Fakultateko 1. mailako ikasleek sortu dute Kapuko aldizkaria. Egitasmoak papereko agerkaria baino gehiago biltzen du, transmedia proiektutzat jo baitute eragileek. Hala, aldizkariaz gain, aktualitateko gaiak Interneten zintzilikatuko dituzte eta Kapuko Telebista ere abian jarri dute. Dagoeneko abian da www.kapukoaldizkaria.tk webgunea. "Gazteek gazteentzat" abiatutako egitasmoa da (argia.com-etik ateratako informazioa).

Bitxia: lehenengo zenbakiaren portadan Mikel Reparaz ageri da, duela zenbait urte NUko aulkietan apuntean hartzen ibilitakoa. Eta galdera hementxe dator: Nafarroako Unibertsitatean noiz edo noiz horrelakorik sortuko al da? Bai?, ez? zergatik?, nork erantzungo lidake?

Mortuago, mutuago

aingeru epaltza - 2011-III-22

Diario de Noticias

"Zer balio du poesiak gizakiek gizakien kontra eragindako tragedien aurrean bezala, naturak eragindakoen aurrean?". Adornori oihartzun eginez halako galdera egiten zion berrikitan Anjel Lertxundik bere buruari. Poesiaren Eguna izan zen atzo. Poesia, gizonak zein naturak eragindako hondamendiez egunkarien orrialdeak beterik agertzen ziren egunean. Poesiaz aritzea poesiaren zertarakoaz aritzea da gaur egun. Haren alferrikakotasunaren gorazarrea izaten da maiz haren baliagarritasunaren defentsarik eraginkorrena. Bizi seinalea izan daiteke, ordea. Mutuak ez garela adierazteko tresna. Urtebete joan da Joxemiel Bidador idazle eta ikerlari iruinsemea itzali zitzaigunetik. Heldu den ortziralean eginen da hark bizi bitartean idatzitako poemen bildumaren jendaurreko aurkezpena. Haren olerki bana irakurriko dugu zenbait jendek. Joxemiel omenduko dugu gisa honetara eta, bidenabar, bagarela aldarrikatuko. Oraindik bagarela. 40 urte betetzeko hilabete guti batzuk falta zituela utzi gintuen Bidadorrek. Idazle gaztetzat jo-tzen genuen, hala ere. Halakoa izaki, Nafarroako neurgarrietan. Hura baino gazteagorik, lau-bortz izen etortzen zaizkit gogora. Pare bat, 30 urtetik beheiti. Normala, noski. Poesiak ez du deusetarako balio. Nobelak ere ez. Zer erranik ez ipuinak, an-tzerkiak edo entseguak. Kontsolamendua liteke gure gazteak bertzelako adierazpideetan buru-belarri ikustea. Zineman, blogetan, bideo sorkuntzan, kazetaritzan, hedabide berrietan. Ez da hala. Euskarazko sormenari dagokionez, musika eta bertsolaritza alde batera utzita, gero eta eremu mortuago -gero eta eremu mutuago- dugu Nafarroa. Deusetan belaunaldi berririk baldin bada, ez da inon ageri. Eta ez dago nor/zer horretan kezkaturik. Horregatik ere izan zen hain mingarria Bidadorren galera. Horretarako ere izanen gara heldu den or-tziralean, Planetarioan.

Eneko Dorronsoro, "Ttaup, ttaup" dokumentalaren zuzendaria

Zumaia, 1978. Zine eta gidoigintza ikasketak Barcelonan burutu zituen. Geroztik telebista eta zinea ditu ogibide.

Zuzendutako lanen artean, "Olarro" laburmetraia (2007) eta "Karidadeko Benta. Lehengo munduaren azkena" ordubeteko erreportaje musikala (2008).

Euskal Telebistako "Brinkola" eta "Pilotari" telesailetan eta "Eutsi!" nahiz "La máquina de pintar nubes" pelikuletan zuzendaritza taldean hartu du parte, besteak beste.

"TTAUP, TTAUP! Arraun kolpeka" du bere lehenengo dokumentala.