Nafar Telebista emititzen hasi da, 26 kanalean

Euskalerria Irratia-ren  web agerkarian ageri zen berria. Euskarazko eskaintza hedatuz doa eta hori ona delakoan nago.
  2015-05-17

 

Atzo, Aimar Olaizola eta Altuna III.aren arteko pilota partida zuzenean eskaini zuen. Gaur, kateko aurkezle Iulian Iantzi eta Anabel Arraiza Sarrigurenen izanen dira, bihar emitituko duten SOrtzen Jaiari buruzko saio berezia prestatzen.

NTB1 katea Nafarroa osoan izanen da ikusgai Lurreko Telebista Digitaleko (LTD) 26 kanalean, eta elebiduna izanen da. Besteak beste, pilota partidu profesionalak eskainiko ditu, hasiera  ostiralero, baina asmoa da etorkizun ez oso urrunean larunbatetakoak eta igandekoak ere eskaintzea. NTB2, aldiz, euskara hutsezko kanala izanen da, eta Iruñerrian bakarrik emitituko du.
Nafarroako Gobernuaren LTDko azken lizentzia banaketan Abian Komunikazioa enpresak lortu zituen bi lizentziok. Proiektua aurrera ateratzeko, enpresa horrek zenbait fundaziorekin egin du bat. Telebistako zuzendari Iñaki Redinen arabera, haien helburua da uda aurretik telebista martxan jartzea, Sanferminetan gogor aritzea lanean, eta datorren irailean indar betez hastea denboraldi berria.
Hau guztiai horrela, egun LTDn Iruñerrian hiru kate euskaldun ikus ditzakegu. Xaloa Telebista duela bi hilabete hasi zen emititzen 28 kanalean. Eta aste honetan bertan Hamaika Telebista ere emititzen hasi da,

Kazetaritza digitalerako tresnak, bi eguneko ikastaroa UEUren eskutik

Ikastaro interesgarri baten berri ematen digu Pello Urzelaik Berria egunkarian. Pello bera da antolatzailea eta euskarazko kazetaritza egiteko oso baliagarria izango delakoan nago. Hemendik hartua: http://www.berria.eus/blogariak/berriaro/2015/06/03/kazetaritza-digitalerako-tresnak-bi-eguneko-ikastaroa-ueuren-eskutik/


Kazetaritza egiteko gero eta garrantzi handiagoa dute tresna digitalek. Baliabide hauek ezagutzeak aukera berriak eskaintzen dizkie kazetariei. Kazetaritza lantzeko modu berriak, landutakoa erakusteko era berriak,… Egun gero eta tresna digital gehiago daude sarean, denon eskura. Baina ez da erraza tresna digital horien berri izatea. Askotan beharrezkoa da gutxieneko laguntza tresna horiek erabiltzen hasteko. Behar horiei begira, Kazetaritza digitalerako tresnak izenburuko ikastaroa antolatu du UEUk aurtengo uda ikastaroetan, hain zuzen ere,  gaur egungo kazetariek halabeharrez kazetaritza digitala egiteko trebatuta egon behar dutelako.
Ikastaroa Eibarren izango da, uztailaren 13an eta 14an. Ni neu arduratuko naiz ikastaroaren gidaritzaz. Ikastaroa pentsatuta dago kazetaritzari lotutako tresna digitalen ikuspegi eta ezagutza orokor bat izateko. Batetik, kazetaritzan indarra hartzen ari diren joerei helduko zaie ikastaro honetan. Bestetik, joera bakoitzari dagozkion tresna aukera ezberdinak azalduko dira, eta, ondoren, aukeraketa bat egingo da interesgarrienak hobeto azaltzeko eta haiekin ariketa praktiko batzuk egiteko.
Egungo kazetaritza digitalean, lau joera nagusi antzematen dira:
1. Sare sozialen sofistikazio prozesua.
2. Mugikortasunaren nagusitasuna.
3. Datu-kazetaritza.
4. Ikusgarritasuna, diseinua eta elkar eragiketa oinarri dituen narratiba berria.
Beraz, ikastaro honetan lau joera horiekin zerikusia duten tresna digitalak landuko dira. Hamalau ordutan ez du denborarik emango ur sakonetan sartzeko. Tresnak oso ugariak dira, izan ere, egunero sortzen baitira berriak. Aukerak ezagutzea da helburu nagusia. Batzuk bereziki gomendatuko dira, eta gutxi batzuk probatuko dira ariketa praktikoen bidez.
Ikastaroan agertuko diren tresnei buruz ideia bat izateko, hona hemen adibide batzuk, atalka azalduta:

• Sare sozialei lotutako tresnak (Twitter Analytics, Twurly, News.me, RebelMouse,…).
• Kazetaritza mugikorra (QwazAudio, Replay, Periscope, Meerkat, Columbio…)
• Datu-kazetaritza (Tableau, Datawrapper, Infogram, Plotly, Piktochart, Datavisual…).
• Ikus-kontaketarako tresnak (Shortand, Immersive, Readymag, StoryBuilder,…).
• Elkarlanerako tresnak (Quip,.Azendoo…)
• Freelancer kazetaritza (Storyhunter, Medium, Hostwriter…)

Tresna gomendatuen zerrendak eskaintzearekin batera, tresna berriak aurkitzeko iturri interesgarriak jarriko dira ikaslearen esku.
Ikastaroa egokia izan daiteke kazetari lanetan dihardunentzat, prestakuntza digitala hobetzeko eta ezagutza zabaltzeko, edota kazetaritza ikasleentzat, ikasketak osatzeko.
Edozein zalantza edo galdera, nire posta elektronikoaren bidez bideratu ahal duzue: pellour@berria.eus
Ikastaroari buruzko informazio gehiago, eta matrikula egiteko modua, UEUren webgunean daude eskura.

Euskal hedabideak, zenbaki bat baino gehiago

Zuzeu.eus delako web-gunean argitara emandako artikulua. Euskal hedabideen balio soziala ezin dugu ahaztu. Zerbitzu ezinbestekoa eskaintzen diote euskal komunitateari. Gure ardura da eurei eustea eta haien ardura da euskal hiztunentzat eduki baliagarri, erakargarri eta interesgarriak eskaintzea.

Iristea eskatzen zaie euskal hedabideei. Zabaltzen dituzten edukiek izan ditzatela kontsumitzaileak. Normala: hedabideek komunikatu egin behar dute, eta bestaldean hartzailerik ez badago, bozgorailu mutuak dira. Baina iristea ez da norabide bakarreko bidea. Iristea eztabaida eragitea da, mezuei oihartzuna ematea, hiztun komunitatea elikatzea, sareak ehuntzea. Horregatik, bai, zalantzarik gabe: euskal hedabideak iristen dira. Balio soziala hor dute.
Eta Hekimen osatzen duten euskal hedabideetan sinetsita gaudenez administrazioen ahalegina ezinbestekoa dela sendoagoak eta hobeak izateko eta, ondorioz, gehiago eragin eta jende gehiagorengana iristeko, bilera dinamika bultzatu dugu Hizkuntza Politikarako Sailburuordetzarekin, politika eraginkorragoei buruz eztabaidatzeko.
Gure dimentsioen eta gure ekarpenaren diagnostikoa egin nahi dugu. Irakurketa adostua egitera iritsiko bagina, diru laguntzez hitz egiteari utzi eta inbertsioez hitz egiten has gintezke. Zenbakiez ez ezik, balioez ere mintza gintezke.
Ezin baitugu kezka ezkutatu. Lan baldintza prekarioetan ari dira euskal kazetariak, eta sektoreak lanak ditu urtea gainditzen duten inbertsio edo sustapen egitasmoetan sartzeko. Politika iraunkorragoak behar ditugu administrazioetan, begirada luzekoak. Horretarako modu bat izan daiteke helburuak eta bideak partekatzea. Lehen urratsa egin dugu.

Euskarazko toki komunikabideen erakusketa antolatu du Oihaneder Euskararen Etxeak

 

Oihaneder Euskararen Etxeak 'Bertatik bertara eta beti eskura' eraskusketa aurkeztu du.

Bertan egungo euskarazko tokian tokiko komunikabideen mapa zein den ezagutzeko aukera izango du bisitariak. Erakusketa antolatzeko, Hirinet bazkide den TOKIKOM toki komunikabideen bateragunearen laguntza izan du Oihaneder Euskararen Etxeak. Urko Aristi TOKIKOMeko lehendakaria eta Ane Pedruzo Oihaneder Euskararen Etxeko teknikariak zehaztasun guztiak eman zituzten aurreko ostiralean egin zuten aurkezpenean.

Hemen dago  BIDEOA ikusgai.

El PP insiste en que desaparezca el euskera como mérito para acceder a Administración

Diario de Noticiasetik ateratako "izparra". 
Argi dago zein den PP eta halakoen asmo bat: inperioaren hizkuntza zabaltzea bestelako hizkuntza "barbaroak" zapaltzeko asmoz. Horretarako parekatu nahi dute "efikazia", eraginkoartasuna  hizkuntza bakarrarekin, batez ere administrazio publikoari gagozkiola. Logika horrekin Kanada, Euskadi, Katalunia, edota Luxenburgo bezalako herrialdeetan kaosa itzelezkoa izango da, han elebidun edota hirueledunak direlako (administrazioan, betiere).

La candidata del Partido Popular a la Presidencia del Gobierno de Navarra, Ana Beltrán. (D.N.)

PAMPLONA. El PPN, dentro de su apuesta por una administración "eficaz y justa", propone que desaparezca el requisito de conocimiento del euskera como mérito para acceder a plazas de la Administración pública.
Así lo ha manifestado su candidata a la Presidencia de Navarra, Ana Beltrán, quien ha argumentado su propuesta señalando que en la "Administración tienen que estar los mejores profesionales y no por el hecho de conocer el euskera".
Beltrán se ha pronunciado en este sentido en un acto en el que ha presentado las propuestas del PPN para lograr una administración que "facilite la vida a los ciudadanos".
"Creemos que los políticos debemos estar para hacer la vida más fácil a los navarros y por tanto buscamos una administración que tenga mucha menos burocracia de la que tiene", ha afirmado la candidata.
En este sentido ha propuesto la creación de una oficina de información para que los ciudadanos no tengan que ir de departamento en departamento, sino que en un mismo sitio le informen de "todo", de ayudas para las familias, para abrir un negocio o para invertir en una empresa, ha citado como ejemplos.
Igualmente ha planteado la necesidad de que la legislación se adapte a las circunstancias, por lo que ha abogado por eliminar la obsoleta y refundir las demás de manera que "en un mismo acto se pueda acceder a toda la información".
Entre sus medidas figura también la de que una vez que un ciudadano ha tenido que presentar su documentación en la administración (DNI o declaración de la renta) no tenga que volver a hacerlo en gestiones sucesivas.
Junto a Beltrán ha comparecido el candidato a la alcaldía de Pamplona, Pablo Zalba, quien ha detallado su plan de actuación en la zona centro de Pamplona, Casco antiguo, primer y segundo Ensanche, que contempla la consolidación de la zona peatonal tanto en el interior del Casco antiguo como todo el paseo que rodea las murallas.
Su programa incluye la peatonalización del paseo de Sarasate, una plaza en las huertas de Santo Domingo, la plaza de Santa Ana y la cuesta del Labrit.
El PPN quiere "consolidar la peatonalización del centro de la ciudad para que quede una ciudad más accesible,que atraiga mucho más a los visitantes de fuera", ha afirmado Zalba, quien también ha propuesto crear Civivox en la plaza de Conde Rodezno y en la antigua estación de autobuses.

'Nafarroako Hitza'-k webgune berritua du

 

 Berria egunkarian Nafarroako Hitza-ren webgune berrituaren inguruko informazioa ematen digu Jon Ordoñezek. Infograma ederra paratu dute gainera. Honelako ekimenei arreta eskain behar zaie euskarazko hedabideei eta euskal komunitateari hauspoa ematen dietelako. Bejondeizuela!
2015-04-23

Beste pauso bat eman du Nafarroako Hitza-k. Webgune berritua aurkeztu du arratsaldeko zazpietan, Iruñeko Zaldiko Maldiko elkartean (Antsoleaga karrika, 9), horren bitartez paperean egiten duen eskaintza informatiboari sarean behar duen tokia egin eta egunean eguneko albiste gehiago jasotzeko. Aurkezpena irekia izan da, eta han aurkeztu dituzte maiatzeko hauteskundeetara begira Nafarroako Hitza-k antolatu dituen hiru mahai inguruak. Hirurak zuzenean streaming bidez emango ditu BERRIAk.
"Nafarroako Hitza-k bazuen webgune bat, baina ez zen batere dinamikoa. Hori aldatzen saiatu gara", nabarmendu du Ion Orzaiz Nafarroako Hitza-ren zuzendariak. Nafarroak etorkizunean dituen erronkak ez dira gutxi ezta txikiak ere izango, eta garai berrien lekukotza eman nahi du Nafarroako Hitza-k. Gizarte eragileen eta herritarren bozgorailu eta kritika gune izan nahi du, eta merezi duen lekua eman nahi dio tokiko informazioari. Paperean eta sarean.
Webgune berritua bisualagoa, ikusgarriagoa eta garbiagoa izango da. Astekariko eduki guztiak sareratzeaz gainera, unean uneko berriak ere aurkituko ditu irakurleak, ikus-entzuneko edukiak ere bai, eta sare sozialetan ere presentzia indartu nahi du Nafarroako astekariak. Horrez gainera, Nafarroako Hitza elkarlanean arituko da Nafarroako beste hedabide euskaldunekin, lekuko hutsa izan beharrean protagonista izan nahi duelako.
Elkarlan horren isla izango dira hauteskundeen atarian Nafarroako Hitza-k, Euskalerria Irratiak eta BERRIAk antolatu dituzten jardunaldi publikoak, kulturaren, euskalgintzaren eta politikagintzaren gaineko hausnarketa sustatzeko eta kazetaritza lana karrikara ateratzeko. Nafarroa Ofizialetik Nafarroa errealera dute izenburu. Azken mahai inguruan Hamaika telebistak ere parte hartuko du.
Apirilaren 29an, Nafarroak euskaraz bizi nahi du solasaldia izango da, Kontseilua, AEK, IKAko ordezkariak eta euskalgintzan diharduten beste batzuekin. Ion Orzaizek berak zuzenduko du.
Maiatzaren 6an, berriz, Kultura: edukiak eta edukiontziak izango dute mintzagai kulturaren esparruko gonbidatuek. Iñigo Astiz BERRIAko kazetariak zuzenduko du.
Maiatzaren 13an —kanpainan, bete-betean—, EH Bildu, Geroa Bai, Podemos-Ahal Dugu eta Ezkerrako hautagaiek Aldaketa eraikitzen gaiaz hitz egingo dute jendaurrean. Juan Kruz Lakasta Euskalerria Irratiko kazetariak zuzenduko du

Babes zabala jaso du Iruñerriko Euskaldunon Agerkariak, jendaurreko aurkezpenean

Euskarazko agerkari berri bat dugu Iruñerrian.
Euskalerria irratiaren web-gunetik hartutako notizia. Zorionak eta eutsi ekimen berriari!

Politika, sindikalgintza, euskalgintza eta gizarte mugimenduetako hainbat ordezkari elkartu dira Katakrak-en.

Argazkia: Joxe Rojas | Argazki originala

Komunitatearentzako plaza digitala izan nahi du Iruñerriko Euskaldunon Agerkariak. Informazioak, iritziak, ideiak trukatzeko gunea, elkarren berri edukitzekoa. Eta analogikoki hori bera izan zen atzo, ostiralarekin, Katakrak liburu dendako areto nagusian jendaurreko aurkezpena egin zuelarik, alor askotako eragileak elkartu baitziren egitasmo berriari ongietorri egiteko.

Proiektua Topagunea, Tokikom eta Euskalerria Irratiaren elkarlanaren fruitua da. Topagunearen izenean, Oskar Zapata “hunkiturik” azaldu zen, “euskal hiztunon komunitateak aspaldidanik zuen ametsa errealitate bilakatu delako”. Tokikomeko presidente Urko Aristik elkarlanaren indarra nabarmendu zuen, “eta Euskal Herria halako auzolan emankorrez betetzera” deitu zuen. Euskalerria Irratiko zuzendari Mikel Bujandak euskaraz komunikatzearen garrantzia nabarmendu zuen: “Horixe da guk egiten duguna eta guk bultzatu nahi duguna”. Euskalerria Irratiko koordinatzaile Juan Kruz Lakasta “oso pozik” zegoen, “gure komunitatearentzako oso tresna indartsua” sortu delako.

Kale nagusiko liburu dendara alderdi politikoen ordezkaritza zabal eta askotarikoa hurbildu zen. Han ziren, besteak beste, EH Bilduko foru eta udal hauteskundeetarako zerrendaburuak, hurrenez hurren, Adolfo Araiz eta Joseba Asiron. Baita haien Geroa Baiko homologoak ere: Uxue Barkos eta Itziar Gomez. Izquierda Ezkerrako Iruñeko zerrendaburu Edurne Egino ere bertaratu zen, koalizio bereko kide Ioseba Ezeolazarekin. Ekitaldian, halaber, bi alkatek hartu zuten parte: Atarrabiako Pedro Gastearena eta Berriozarko Xabi Lasa. Baziren tartean bestelako hautetsiak, konparaziora, Iruñeko zinegotzi Aitor Lakasta eta Nafarroako parlamentari Bakartxo Ruiz. Baita Udalbiltzako Xanti Kiroga ere. Arduradun politikoen artean ezin aipatzeke utzi Eusko Jaurlaritzako Hizkuntz Politikarako sailburuorde Patxi Baztarrika.

Euskalgintzako hainbat eta hainbat eragile elkartu ziren: Euskaltzaindiako Andres Iñigo, Kontseiluko Paul Bilbao, Behatokiko Garbiñe Petriati, Euskara Kultur Elkargoko Xabier Epaltza, AEK-ko Helios Del Santo, IKA-ko Sagrario Aleman, EHEko Nestor Esteban eta Iruñeko Komunikabideak Fundazioko Xabier Lozano, besteak beste. Hezkuntzaren mundutik Kale Nagusiko aretora hurbildu ziren NIEko Mikel Belasko, NIZEko Aitor Etxarte, Sortzeneko Gari Torregrosa, Dindaiako Esther Lakasta, NUPeko prentsa arduradun Pello Pellejero. Baita Eusko Ikaskuntzako Nafarroako presidenteorde Asier Barandiaran ere.

Kazetaritzari dagokionez, han ikusi genituen Hekimeneko Alberto Barandiaran, Diario de Noticiaseko zuzendari Joseba Santamaria, Euskadi Irratiko albistegietako buru Aritz Agirre, Berriako Nafarroako ordezkaritzako buru Joxerra Senar, Garako Martxelo Diaz, Xaloa Telebitsako Joseba Igerabide, Ahotsako David Llamas eta beste hainbat.

Baziren, halaber, gizarte mugimenduetako hainbat ordezkari: ELA sindikatuko Mitxel Lakuntza, Steilaseko Kepa Yecora, Memoriaren Bideak elkarteko Fernando Mendiola, Eguzki Bideoak-eko Ruben Marcilla, besteak beste. Eta baziren tartean Euskalerria Irratiko hainbat kolaboratzaile asko: Santi Leone, Jon Alonso, Inma Errea, Josetxo Azkona...

«Hedabideak ispilu dira»

Elkarrizketa mamitsua Aitor Zuberogoitiari egindakoa. Gertuko Komunikabideen II. Jardunaldien berri txiripaz enteratu gara, Berria-ren web-atariari esker betiere. Hemendik hartua: http://www.berria.eus/paperekoa/1744/012/001/2014-12-11/hedabideak_ispilu_dira.htm

 Euskarazko hedabideen balio soziala eta gizarteari egiten dioten ekarpena neurtzeko egitasmoa aurkeztu du Hezikom ikerketa taldeak, Gertuko Komunikabideen II. Jardunaldian.

 

2014-12-11 / Gotzon Hermosilla

Gertuko Komunikabideen II. Jardunaldia egin zuten atzo Aretxabaletan (Gipuzkoa), Mondragon Unibertsitateko Humanitate eta Hezkuntza Zientzien Fakultateko Hezikom ikerketa taldeak antolatuta. Gai nagusi bat aletu zuten jardunaldian: gertuko komunikabideen balio soziala, euskarazko hedabideei arreta berezia jarriz, baina beste zenbait herrialdetan izandako esperientziak ere aintzat hartuz.

Jardunaldi hori baliatu zuten Hezikomeko kide Aitor Zuberogoitiak, Txema Egañak eta Eneko Bidegainek esku artean duten egitasmoa aurkezteko: euskarazko hedabideen gizarte ekarpena neurtzeko ikerketa. Aitor Zuberogoitia (Etxebarria, Bizkaia, 1972) Mondragon Unibertsitateko irakasleari egokitu zitzaion egitasmo horren xehetasunak azaltzea.

Balio sozialaz hitz egiten duzuenean, zertaz ari zarete?

Historia apur bat egin behar da kontzeptuaren nondik norakoak azaltzeko. Margaret Thatcher 1979an Erresuma Batuko lehen ministro eta 1981ean Ronald Reagan Ameriketako Estatu Batuetako presidente izendatu zituztenean, pribatizazio uholde handia gertatu zen, lehenagotik Milton Friedmanek eta Chicagoko Eskolak teorizatu zutena: estatuaren parte hartzea ahalik eta gehiena murriztu behar zen, eta lehentasuna ekimen pribatuari eman behar zitzaion. Diskurtso eta praktika horiek ikusirik, 1990eko hamarkadan erakunde batzuk hasi ziren euren jarduna sozialki zenbateraino zen garrantzitsua bistaratu nahian.

Orduan sortu zen «balio soziala» kontzeptua?

Bai. Kontrako erreakzio horretan, lehenengoa Kopenhageko Errege Antzokia izan zen (Danimarka); 1997an ikerketa bat egin zuen kalkulatzeko bere jardunak zenbat itzultzen dion gizarteari. Horren ostean beste hainbat etorri ziren. Ahalegin horien atzean antzeko mezua dago: «Guk diru publikoa jasotzen dugu, baina hori gizarteari itzultzen diogu, gure jardueraren onura gizartean gelditzen delako».

Euskal hedabideekin antzeko ikerketa bat egiteko proiektua aurkeztu duzue. Zergatik?

Askotan entzuten dugu ETB1 %2k baino ez dutela ikusten, euskal hedabideak diru laguntzetatik bizi direla eta antzeko mezuak, baina horri datuekin erantzungo dion ikerketarik ez dugu izan.

Zein fasetan dago proiektua?

Teoria arloa zedarritu ondoren, hurrengo pausoa da neurgailua bera zehaztea. Horretarako, Hezikom lantaldea osatzen dugunok ari gara prestakuntza jasotzen, Euskal Herriko Unibertsitateko ikerketa talde batekin eta Deustuko Unibertsitateko beste batekin. Badago jarduera jakin baten balio soziala neurtzeko tresna bat, baina orain hori egokitu behar dugu euskarazko komunikabideen ezaugarri berezietara.

Eta hori nola egingo duzue?

Lehenbizi, tresna prest dagoenean probatu egin nahi dugu bi hedabidetan, BERRIAn eta Goiena-n. Bi komunikabideok ontzat eman dute ideia, baina sakon azaldu beharko diegu abenduaren amaieran eta urtarrilaren hasieran, eta hurrengo fasea izango litzateke interes taldeen mapa egitea.

Zer da hori?

Orain arte, ekonomia tradizionalean, helburua beti izan da etekinak sortzea enpresaren akziodunentzat, eta horren arabera neurtzen zen enpresa baten arrakasta. Kontzeptu honek ikuspegi hori gainditu nahi du: akziodunei ez ezik, enpresaren jardunak eragiten dien guztiei entzun behar zaie, eta horietako bakoitzari enpresaren jardunak zer ekartzen dion neurtu.

Eta nola neur daiteke hedabide baten balio soziala?

Hor hiru atal atzeman daitezke. Lehenik, eragin soziala duen balio ekonomikoa, hau da, hedabide horrek zenbat pertsona dituen soldatapean, inguruko hornitzaileei zenbateko erosketak egiten dizkien eta abar. Bigarrenik, balio sozial espezifikoa dugu, neurtzen zailena dena: adibidez, hizkuntzaren normalizazioan, terminologian eta abarretan ekartzen duen onura. Hirugarrenik, administrazioari zerga bidez itzultzen zaiona dago. Hiru horien batuketa da balio soziala.

Zure ustez, zer ekarpen egiten dio euskal gizarteari euskarazko hedabideen esparruak?

Hizkuntzaren joan-etorri librea bermatzeko azpiegitura bat dakar, eta uste dut funtsezkoa dela hori. Ispilu bat ere bada, hizkuntza komunitateak bere burua egunero islatuta ikusteko, eta erreferentzia esparrua, komunitate hori kohesionatzeko eta ez gehiago zatikatzeko. Baina errealitate materialago bat ere badago: hor jende asko ari da lanean, inguruan aberastasuna sortzen du, eta eragin handia duen jarduera ekonomikoa bideratzen du.

Tokian tokiko hedabideak eta nazio mailakoak kontrajarrita daude, edo osagarriak dira?

Elkarren osagarri izatera kondenatuta daude. Tokian tokikoa indartsu egotea ezinbestekoa da nazionalaren harrobia hortik etorriko delako, eta nazio mailakoa indartsua izatea ere funtsezkoa da, dudarik gabe, hizkuntza komunitatea egituratzeko

Hekimen: "Euskal hedabideek ezin dute murrizketa gehiago jasan"

 

Juanan Ruiz/ Argazki Press

 Hona hemen gaurko Berria-n ikusitako notizia bat. Ez bakarrik euskaltzale bezala, euskal herritar bezala erakiten didan (digun) arazoa da guztion arreta eskatzen duena. Ea gogoeta pizteko balio duen. Hemendik hartua: http://www.berria.eus/albisteak/106323/hekimen_euskal_hedabideek_ezin_dute_murrizketa_gehiago_jasan.htm

Ahalegina eskatu die Eusko Legebiltzarrean 2015eko aurrekontuak eztabaidatzen ari diren talde politikoei murrizketen aurreko egoerara itzultzeko

Euskal hedabideen elkarte Hekimenen batutako komunikabideek argi dute beste "norabide" bat hartu behar dutela Eusko Jaurlaritzak euskarazko hedabideetara zuzentzen dituen diru laguntzek. Eskaera zehatza egin dute: 2008ko egoerara itzuli nahi dute. "Murrizketak hasi aurreko egoerara bueltatzeko", esan dute. Eta dirutan ere neurtu dute norabide aldaketa horrek ekarri beharko lukeena. "Milioi bat euroko diru laguntza beharko lukete hedabideek". Oroitarazi dute euskararentzako aurrekontuek, eta, ondorioz, hedabideen finantziazio publikoak, beheranzko joera hartu dutela azken urteotan, eta ezin dela beherako bide horretan jarraitu. "Etorkizunera begira", finantziaziorari buruz "gogoeta sendo eta partekatua" egiteko prest daudela adierazi dute, lehendik hainbatetan argi utzi duten gisan.