Hotsa Issuu-n dago jada

Hotsa Abarrots Euskara Taldearen berri-papera da eta Issuu-n dago jada. Zer den Issuu? Hara zer dioten haiek euren buruaz:

Issuu is the leading digital publishing platform delivering exceptional reading experiences of magazines, catalogs, and newspapers. Millions of people have uploaded their best publications to create beautiful digital editions. When will we see yours?

"Noiz ikusiko ditugu zuenak?", bada oraintxe bertan ikusteko aukera daukazue. Klikatu sarrera honen izenburuan eta bertan topatuko duzue. Bide batez, 14. zenbakia argitaratzeko zorian dago, erne egon zaitez noiz aterako.

Hedabideetako euskara, 1994an argitaratutako liburuak gaurkotasuna dauka oraindik

1980an Euskal Herriko Unibertsitatea sortu zela genioen eta, kazetaritza lizentziatura orduantxe hasi zen Leioako campusean. Euskarazko kazetaritza egiteko kapaz diren profesionalak sustatzea izan da fakultate haren helburuetako bat eta, bere jarduera akademikoaz gain zenbait ekitaldi, hitzaldi eta ikastaro monografiko burutu zituen hasierako urte haietan. 1993. urtean, berriz, mintegi zabal bat egitea erabaki zuten eta 12 hizlari gonbidatu zituzten. Mintegi horren emaitza Hedabideetako euskara (Euskal Herriko Unibertsitatea, 1994) delako lana dugu, gerora etorriko ziren zenbait lanen aitzindari.

Hona hemen mintegi hartan egile bakoitzak jorratu zuen gaia:

Agustin Zubikarai: “Euskal Egunkaria eta euskara”

Antton Aranburu: “Kazetaria eta euskara”

Patxi Petrirena: “Kazetarien testuan bahean, estilo liburua aldean”

Igone Etxebarria: “Euskal Telebistako euskara”

Erramun Gerrikagoitia: “Euskal Journalismoan dilema eta ambivalentia lexikala eta otrographikoa”

Xabier Kintana: “Ahozko eta idatzizko tradizioa sokatiran”

Jon Sarasua: “Igorlea, hartzailea eta kodea: hiru elementu euskarazko kazetari hizkuntzan”

Alfontso Irigoien: “Komunikazio-tresna Publikoetarako”

Mattin Larzabal: “Ipal Euskal Herriko kazetarien euskaraz”

Gorka J. Palazio: “Kazeta-hizkera eta neologismoak”

Manu Ertzilla: “Euskal kazetaritzaz”

Juan Mari Lekuona: “Azken hitzak”

Ordura arte egindako ikuspegi metaketa zabalena dugu liburu hau eta Gorka Palazio izan zen koordinatzaile eta editore nagusia lan horretan. Dagoeneko euskarazko kazetaritzaren inguruan esperientzia zutenen analisiak biltzen dira bertan eta orduan erreferentzia zen bezala, gaur egun ere oso irakurgarriak dira txosten horiek. Zer esanik ez, euskararen erabilerari berebiziko arreta eskaintzen zaio zenbait txostenetan. Arau emaileak ez diren arren (txostenok), hainbat norabide eta joera markatzen hasi ziren, geroagoko zenbait estilo-liburutan gauzatuko zirenak.

Miren Jone Azurzarentzat izan da Rikardo Arregi saria

Miren Jone Azurza

(Argia.com-etik hartutako berria, euskarazko kazetaritzarenik zerikusia duena)

Miren Jone Azurza Zeruko Argiaren zuzendaria izan zen 1969tik 1972ra .Kazetaritzako Ohorezko Rikardo Arregi Saria jaso du aurten, Ignazio Arregirekin batera, "euskarazko kazetaritzaren zutoinak direlako". Hona hemen Berriako Igandea gehiagarriko elkarrizketatik hartutako pasarte batzuk:

"Hainbat gaitan aditu zirenekin erredakzio talde bat osatzea izan zen nire lehendabiziko lana Zeruko Argian. Astelehenero hasi ginen biltzen, kafetxo bat hartzen genuen eta koaderno potolo batean batean apuntatzen nituen aldizkariko orri guztietako gaiak. Denen artean pentsatzen genituen. Edorta Kortadi, Xabier Lete, Martin Ugalde... euskal kulturako jende esanguratsu ugari biltzen zen bilerara".

(…)

"Zeruko Argia utzi nuenean, arratsaldeak libre nituen. Eta filosofia ikasten hasi nintzen. Asko disfrutatu nuen, eta arrasto handia utzi zidan kazetaritzarako, hau da, askoz ere gauza gehiago direla ez dakizkizunak dakizkizunak baino".

(…)

"Zentsura handia pasatu behar izaten genuen. Esaterako 25.000 pezetako isuna ordaindu genuen batzoki eta nazioartea hitzak erabiltzeagatik. Hamaika aldiz, hamar aldiz gehi bat, joan nintzen ni epaitegietara, ni bainintzen ateratzen zen guztiaren arduradun".

Euskaraz egoki idazteko aplikazioa: 'Idazlagun'

Eleka Ingeniaritza Linguistikoak sortu du, enpresa, administrazio publiko, eta partikularrei laguntzeko. Programarik instalatu gabe erabili daiteke eta bezero bakoitzaren beharretara moldatzen da.

etorkizuna etorkizun: ZERGATIK EZ KAZETARI EUSKALDUNIK HAINBAT MEDIOTAN?...

etorkizuna etorkizun: ZERGATIK EZ KAZETARI EUSKALDUNIK HAINBAT MEDIOTAN?...: "Interesarekin irakurri nuen lehengoan, El Paisek zekarren albistea, Martin Garitako Ahaldun Nagusiak bere lehen prentsaurrekoan euskara b..."